اسلام آباد (خبر نگار) ماہرین صحت نے خبردار کیا ہے کہ پاکستانی خواتین میںسروائیکل کینسر تیزی سے پھیل رہا ہے اور یہ ملک میں خواتین کا دوسرا سب سے عام سرطان بن چکا ہے۔ بچیوں کو اس مہلک مرض سے محفوظ رکھنے کے لئے انسانی پیپیلوما وائرس (HPV) ویکسین ناگزیر ہے۔ ماہرین نے قرار دیا کہ حالیہ سرکاری ویکسینیشن مہم آگاہی کی کمی اور منفی پروپیگنڈے کے باعث خاطر خواہ کامیابی حاصل نہیں کر سکی جس کیلئے مستقبل میں جامع منصوبہ بندی کی ضرورت ہے۔ ماہرین نے ان خیالات کا اظہار یہاں پالیسی ادارہ پائیدار ترقی کے زیر اہتمام خواتین میں بڑھتے ہوئے سروائیکل کینسر سے بچائو کے حوالے سے منعقدہ سیمینار میں کیا۔ سیمینار میں 15 سے 27 ستمبر کے دوران حکومت کی طرف سے چلائے گئے حالیہ ویکسینیشن پروگرام پر گفتگو ہوئی۔
© 2025 SDPI. All Rights Reserved Design & Developed by NKMIS WEB Unit
